بابوبي/ باريس
البوليس الفرنسي البارح تلقاو عدد كبير من الاتصالات خلاتهم يتساءلو على هوية المعتقل، ومشاو كيقلبو على السفير المغربي شكيب بنموسى فمقر السفارة المغربية بفرنسا باش يتذاكرو معاه ويجيبو من عندو معلومات كتتعلق بفنان بشهرة سعد لمجرد، ولكن مالقاوهش فالمقر.
وحسب مصادر بابوبي بفرنسا فشي شخصية سولت شكيب بنموسى على واش فخبارو هادشي اللي واقع لسعد لمجرد وجاوبو بأنه ماشي غير هو اللي فخبارو وإنما جهات عليا عليه. وحسب مصادرنا فجميع التدخلات والاتصالات لفائدة سعد لمجرد باش يخرج بكفالة فشلت وغدا مع 10 ديال الصباح غادي يتم التقديم ديالو للمحكمة الجنائية “شاطلي” بباريس.